Mércores 9 de Marzo 2011

Raquel Villa, Campiona de España en lanzamento de peso en Pista cuberta, Pablo Castro, subcampeón de España en lanzamento de peso en pista cuberta e récord Galego, e Mar Chillón, subcampiona de España de marcha e récord galego, foron recibidos pola alcaldesa de Cangas, Clara Millán, e pola concelleira de deportes e presidenta da Fundación deportiva municipal do concello, Antonia Queimaño.

A esta recepción estaban convidados os seus entrenadores, os familiares e a xunta directiva do club, que non quixeron deixar de apoiar a estes atletas. Tamén foron algúns amigos que viron con orgullo como a alcadesa e a concelleira de deportes, agasallaban os atletas cunha placa conmemorativa e o pin do concello de Cangas

A Alcaldesa dedicoulles unhas palabras nas que lles recoñecía o éxito acadado, e recordoulles que eles, cos seus éxitos, levan o nome de Cangas a todos os lugares que recorren. Tamén recoñeceu a labor dos pais e da familia por apoiar diariamente os atletas.

Dende aquí, a Xunta do club quere felicitalos unha vez máis e animalos a superar novos retos. Felicidades Raquel, Pablo e Mar!!!!

Portas, Sábado 19 Febreiro 2011
Houbo unha vez en Portas, moi cerquiña de Caldas, unha fábrica moi doce, cunha chimenea enorme. Un día a fábrica cerrou as portas e deixou de fabricar azucre. Moitos anos máis tarde, nos terreos da fábrica, e tendo a gran chimenea como testigo de todo o que aconteceu, celebrouse o campeonato provincial de cross.

Non choveu, pero o terreo xa estaba cheo de lama, así que vos poderedes facer unha idea de cómo terminaría despois de pasar tantos rapaces. Moitos chegaron descalzos, houbo moitos resbalóns e alguna visita á ambulancia, pero todo isto fixo que fose máis interesante acadar os primeiros postos.

Individualmente subiron o pódium os benxamíns Ariadna Gil (Bronce), Simón Pereira (Prata) e Lope Quinteiro (Bronce), na categoría Alevín Mª Jesús Corredoira (Prata), Alba Vidal (Bronce) e Jorge Piñeiro (Bronce)

Foi unha pena que as rapazas alevíns non puideran completar o equipo. Os demais equipos acadaron os seguintes pódiums ou posicións:
• Benxamin: feminino (ouro) e masculino Equipo A (prata) e o Equipo B 8º.
• Alevín :masculino Equipo A (ouro) e o Equipo B 4º
• Infantil: Feminino (Prata) e o Masculino (Bronce)
• Cadete: Feminino Equipo A 5º e o Equipo B 9º

Resultados provincial cross 2011

Pontevedra, Domingo 13 Febreiro 2011

Este domingo en Pontevedra e a pesar da ameaza de intensa chuvia, celebrou-se o campeonato de Marcha en ruta. A ameaza fíxo-se realidade e en algunhas ocasións choveu demasiado. Iso non impediu brillar con luz propia a moitos atletas, que demostraron que unha «pouca» auga era insuficiente para impedirlles competir.

Hoxe contamos cunha espectadora especial, Rebeca Obenza, que a pesar de estar con muletas, por culpa dunha caída esta semana, quixo animar a todos os seus compañeiros.

A primeira carreira foi a dos 3 km. Onde competían alevíns e infantiles. Tal vez foi nesta carreira onde máis chuvia caiu. Andrés Obenza e Noa García obtiveron a 5ª e a 6ª praza.
A seguinte foi 5 km, Mar Chillón, quen levaba unha pequena vantaxe sobre os seus rivais, entrou a primeira gañando o ouro.

En 2 km estrearonse dous atletas do Vila, Ana Piñeiro e Jesús Guimeráns. E miúdo estreo tiveron! Ana gañou a medalla de prata e Suso a de bronce. Con eles tamén participaba Valeria Fernández, quen xunto con Ana, liderarou a carreira quitando-lles moita distancia os seus compañeiros.

A seguinte distancia foi 10 km. Tras moitos nervios, algunha expulsión e demasiada angustia, Ángel Menduiña conseguiu a medalla de bronce e Iria Piedras a de prata e unha praza no hospital, onde a levaron para avaliar a lesión que xa tiña e que durante a carreira aumentou. Desexámoslle que non sexa moi grave.

Resultados:

2 Km:
Valeria Fernández – Medalla de Ouro – 13:47
Ana Piñeiro –Medalla de Prata – 13:52
Jesús Guimeráns – Medalla de Bronce – 15:47
3 Km:
Andrés Obenza – 5º – 20:08
Noa García – 6ª – 19:29
5 Km:
Mar Chillón – Medalla de Ouro – 26:44
10 Km:
Ángel Menduiña – Medalla de Bronce – 50:50
Iria Piedras – Medalla de Prata – 1:04:22

Coruña, Domingo 6 febreiro 2011

Tras a emocionante xornada de onte na que participaron os xuvenis e os xuniors, a pista cuberta abriu esta vez para os cadetes.

A competición comezou cos concursos de salto de altura, onde participaba Alexia Vidal e con Lanzamento de peso feminino. A esta proba presentaronse 13 atletas e a metade eran de Cangas. Raquel, Antía, Talía, Carla e Johana por parte do noso club e Irene do A. Morrazo.

Temos bos lanzadores nesta categoria, Raquel Vila levou o ouro e marca para ir ao campeonato de España. E Pablo Castro foi un dos protagonistas do día. Foi capaz de bater o record galego que el mesmo conseguiu fai pouco, non unha se non dúas veces. O récord que estaba en 15.45 pasou a 15.62 para acabar en 15.65 m.
Patri Abal participou na carreira de 600 m.l. acabando 4ª e Alexia 6ª en lonxitude.

Pola tarde só dúas das nosas atletas participaron en probas. Sara Villar conseguiu chegar a tempo para competir na súa serie de 50 m. valados, na que obtivo o primeiro posto, que lle garantiu o pase á final. Dita carreira estivo moi competida e finalmente Sara subiu ao pódium a recoller o bronce.
A xornada da tarde rematou cos 3000 m.l. Ana Antepazo, que non se atopaba ben, correu pero retirouse cando faltaban 2 voltas para finalizar.

Resultados:
Cadete hombres
Pablo Castro: Campeón Galego en Lanzamento de Peso e Record Galego

Cadete mujeres
Raquel Villa: Campeona Galega en Lanzamento de Peso
Antía Román 4ª Peso
Talía García 5ª Peso
Carla Bernárdez 9ª Peso
Johana Villar 12ª Peso
Alexia Vidal: 5 º en salto de altura e 6ª en Lonxitude
Patricia Abal 4ª nos 600 m.l.
Sara Villar: Bronce nos 50 m. valados

Voltamos un ano mais ata Domaio, onde se celebrou este zonal de Cross. A diferenza do ano pasado, mudamos a lama, terra mollada e charcos, por un percorrido seco.

A cor predominante foi o amarelo, o do sol que nos quentou e o das camisetas dos atletas do noso club. De amarelo encheron-se as carreiras e desde logo os pódiums, xa que os nosos atletas conseguiron 19 dos 24 pódiums que había.
O club acudiu con 14 equipos e clasificaronse todos. Na categoria Alevín tíñamos un equipo de rapazas e tres de rapaces, nas demáis categorías fomos con dous euipos. En todas as categorias nas que participamos, o equipo gañador foi o do noso club

A carreira máis numerosa foi a dos rapaces Alevíns con 27 atletas dos cales 18 eran do noso club
Tal vez o mais chamativo foi a última carreira do dia, a dos rapaces cadetes. Na liña de saída só se apresentaron dous rapaces e ningún era do noso club. Hai falta de nenos nestas categorias, tal vez todos apañaron ese vírus tan contaxioso chamado «futbolitis».
Esta enfermidade tan rara non acostuman a padecer as nenas. Na mesma categoria participaron 17 rapazas, dous equipos completos do Vila, catro rapazas do Atletismo Morrazo e unha do Samertolomeu., Clasificaronse todas, os tres equipos e a atleta do Sam fixo-o por méritos propios ao chegar primeira.

Desde aqui queremos louvar a eses atletas que axudan a facer equipo e participan sabendo que tal vez cheguen últimos, porque esta non é a súa proba, pero están ahí cando se os necesita e fan que o seu equipo sexa mais forte.

BENXAMÍN  FEMENINO

1ª – Sandra Souto

2ª Ariadna Gil Seguir leyendo →

Este Campionato celebrouse en Pontevedra, nas pistas do Estadio da Xuventude, que tamén é a sede da Escola de Marcha. Esta é a primeira proba a nivel galego que hai na tempada, e alégranos que esta vez non nos desprazaramos moito.
Aínda que había algún que pronosticaba moita chuvia, temos que decir que non caiu nin unha pinga, incluso o sol saiu a mirar a marcha que había nestas pistas. O Vila de Cangas fomos con 8 atletas. Suso Guimeráns non pudo facer o seu debut nesta disciplina por estar enfermo.

A primeira proba de 1 km, a dos benxamíns, terminou moi ben con dúas atletas do noso club, Valeria Fernández e Valeria Rodríguez, aupadas no pódium no 1º e no 2º posto respectivamente. O seguinte foi Andrés que fixo 2 km , terminou 4º e finalizada a proba enterouse de que estaba descalificado.

A proba máis disputada e emocionante, foi os 3 km das infantiles e cadetes con 20 participantes. As rapazas marcharon en bloque durante moitas voltas e pouco a pouco foronse descolgando as que non puderon seguir o ritmo. O pódium resolveuse nos últimos metros quedando Mar 2ª. Noa quedou 14ª na carreira e 6ª na súa categoría.

A última proba foi a dos 5 km na que tamén conseguimos 2 podiums, Rebeca que quedou 2ª e Iria que conseguiu o seu primeiro pódium de marcha quedando 3ª . Ángel acadou o 4º posto.

A próxima cita para os marchadores é o 13 de febreiro, no Campionato Galego de Marcha en Ruta que todavía está por designar. Hai tan poucos circuitos homologados, que sospeitamos que teremos que viaxar ata o norte.
Resultados

1 km                                                2 km
1ª Valeria Fernández                 Andrés Obenza Des.
2ª Valeria Rodríguez

3 km                                               5 km
2ª Mar Chillón                           2ª Rebeca Obenza
6ª Noa García                            3ª Iria Piedras
                                                       4º Ángel Menduiña