O Domingo 14 de Febreiro celebrouse o Galego de Marcha en Ruta nos xardíns de Coruña, os cantóns.
Fixo frío, dende logo. Pero o máis chamativo desta xornada non foi o frío , senón as faltas que se lles puxeron ós atletas en todas as carreiras.
Isto tivo como consecuencia máis grave a expulsión dos catro mellores atletas da categoría xuvenil, entre os que se atopaba Ángel . Os cales, en dita carreira, loitaban por obter una praza para poder ir o campionato de España e mellorar as súas marcas.

Temos que felicitar a Mar por obter por primeira vez o seu pasaporte o campionato de España, que este ano farase na illa de Ibiza. Tamén felicitamos os demais atletas polas marcas acadadas, a Iria por ser capaz de superar esa pequena barreira que lle impedía demostrar a boa marchadora que é, e a Lucía e a Andrés por rematar sen faltas

Os resultados obtidos polos nosos atletas foron:
3 KM ALEVINS :- 5º ANDRES 0BENZA 24.20 – 3ª NOA GARCIA 19.21 INFANTILES: 8ª ESMERALDA CORREDOIRA 18.41 – 10ª LUCIA PIEDRAS 23.01
5 KM CADETES 2ª MAR CHILLON 27.36 – 6ª IRIA PIEDRAS 31.20
10KM XUNIOR: 1ª REBECA OBENZA 57.22 XUVENIL: ANGEL MENDUIÑA Descalificado

O domingo 7 tivemos que ir ata Ourense, porque non se puderon realizar as probas en A Coruña.
As probas celebraronse no módulo cuberto “Os Remedios”, que se atopa moi cerca da Ponte do Milenio.
As instalacións sorprenderon os que nunca foran a elas, xa que se atopan baixo a bancada do campo de futbol. Nunha recta están o foso de saltos de lonxitude, as 5 rúas para a velocidade e unha zona para lanzamentos de peso e salto de altura.

A competición alargouse un pouco e os rapaces tiveron que irse sen saber en qué posto quedaron
As probas para as distintas categorías e os mellores resultados acadados polos nosos atletas foron:
En benxamín mulleres, Valeria Fernández foi 3ª en lonxitude, 5ª en peso e 4ª en 50 m.l.
En alevín mulleres, Saray Amoedo foi 4ª en lonxitude e 11ª en 60 m.l.; mentres que Noa García foi 1ª en peso.
Para os homes da mesma categoría, foi Adrián Outeiral o que outivo mellores resultados, cun primeiro posto en lonxitude e en 60 m.l. A mellor posición en peso foi para Martín Pérez, que acadou un sexto posto.
Xa nacategoría infantil, Alexia Vidal finalizou terceira en lonxitude; Carla Bernárdez, 2ª en peso e Noelia Graña 2ª en 60m.v. e 6ª en 60 m.l.

A Coruña, 6 de febrero de 2010

Outra vez, por problemas de folga nas pistas de Riazor, desprazaron o campionato galego absoluto para o estadio da Universidade de A Coruña.
O atleta do Vila de Cangas que mellor papel fixo foi David González Fernández, conseguindo unha medalla de prata nos 800 m.l. e outra de bronce nos 1.500 m.l.
André Castelo Parcero quedou 7º no salto con pértega. Nesta mesma modalidade Juanma Novo Pardavila quedou 10º. Juanma tamén participou nos 60 m.v., onde ocupou a 5ª posición.
Claudia Martínez rematou 8ª en 800 m.l.

Como xa sabíades, foron dous os atletas do Vila de Cangas que participaron no campionato de España de pista cuberta na categoría cadete.
A proba foi en Oviedo este sábado 6 de febreiro. O que menos sorte tivo foi Pablo Castro Chapela, que non conseguiu superar a súa propia marca, quedándose en 12’56 m. O gañador foi Alvaro Yague (Cueva de Nerja). Pablo Castro quedou noveno, o cal, tampouco está nada mal.
Raquel Villa Carracelas estrenouse a nivel nacional cunha medalla de bronce, por superar a súa marca personal e lanzar 11’21 m. Foi superada por María Delia Guisado (Extremadura) e por Georgina Vila (Cataluña).

Mañá venres sairán de Cangas os dous atletas do Vila de Cangas que participarán no campionato de España de pista cuberta para a categoría cadete. O acto será o sábado en Oviedo. Os nosos representantes son Pablo Castro Chapela, que acude cunha marca de 12.79 metros e Raquel Villa Carracelas, cun rexistro de 10.67 m.
Moita sorte para os dous.

Pontevedra, 30 e 31 de xaneiro de 2010

A Federación Galega, a través da Delegación de Pontevedra, organizou os pasados 30 e 31 de xaneiro, no estadio do Cantro Galego de Tecnificación Deportiva de Pontevedra, o Criterium galego de Probas Combinadas de inverno para as categorías cadete, xuvenil, xunior, promesa e absoluta.
Do Club Atletismo Vila de Cangas participaron catro atletas: Héctor Fernández, André Castelo, Mónica Cabirta e Juanma Novo. Os dous primeiros tiveron que retirarse por diversos motivos. Mónica Cabirta Gutiérrez proclamouse campiona na categoría promesa e o mesmo resultado obtivo Juanma Novo Pardavila na categoría xunior.
O mal tempo non permitiu que os nosos atletas acadaran as súas marcas personais.
As probas repartíronse en dúas xornadas. O sábado pola tarde tiveron lugar as probas de 60 m.l., lonxitude, peso e altura para os homes.
As mulleres concentraron todas as súas probas na xornada do domingo pola mañá (60 m.v., altura, , peso, lonxitude, 60 m.l. e 800 m.l.). Estas probas foron intercaladas coas que lles faltaba por facer aos homes (60 m.v., pértega e 1.000 m.l.)

Carballo ( A Coruña), 31 de xaneiro de 2010

O Club Atletismo Vila de Cangas proclamouse campión galego na categoría promesa masculina, o que lle da pasaporte para o campionato de España que se disputará en Haro o vindeiro 21 de febreiro. Nesta categoría Óscar Iglesias foi o segundo en chegar a meta, Brais Misa chegou sexto, seguido inmediatamente de David González (7º). Os Seguintes do Vila de Cangas en entrar na meta foron Maikel Portela (14º), Antonio Comesaña (16º) e Manuel Ayuso (20º)
Aínda que o Vila só presentou equipo entre os promesas homes, tamén tivo participación individual ca categoría xunior feminina, con Cristina Gil, que entrou quinta e Rebeca Obenza que chegou novena.
Na categoría senior mulleres, Beatriz Fernandez foi 7ª e Andrea García 11ª.
A carreira dos senior-promesa foi a máis numerosa, con preto de 150 participantes. Nela, Orlando Rodríguez foi o 42º dos senior, Francisco Radal chegou 50º e Remigio Fandiño 53º

Ponteareas, 30 de xaneiro de 2010

No parque Avisoureira, da parroquia de Guláns, en Ponteareas, tivo lugar o campionato provincial escolar de campo a través.
Esta competición é a máxima a que poden aspirar no eido escolar na categoría benxamín. En cambio, para as demais categorías (alevín, infantil e cadete), supón o paso ao campionato galego escolar de campo a través. Os clasificados para o galego son os dous primeiros equipos e os oito primeiros atletas individuais.
O Vila de Cangas conseguiu subir a sete dos oito podios posibles. Os benxamíns proclamáronse campións tanto os homes coma as mulleres. En alevíns, as mulleres subiron ao máis alto do podio, mentres que os homes foron subcampións provinciais. Ambos conseguiron a clasificación para o galego. A sorte dos infantiles foi bastante diferente. Os homes foron a única categoría do Vila de Cangas que non subiu ao queixón, mentres que as mulleres subiron cun terceiro posto provincial. Este terceiro posto das mulleres infantiles sabe a pouco, e máis si sabemos que hai quince días se proclamaron campionas galegas no Alejandro Lorenzo ( considerado como o campionato galego federado). Os homes e mulleres infantiles quedan, polo tanto, fora do campionato galego.

En canto a categoría cadete, os homes foron campións provinciais seguidos dos seus filiales, os do Suárez Marquier. As mulleres foron subcampionas, destacando unha moi boa actuación de Mar Chillón. Tanto homes coma mulleres van ao galego.
Os resultados foron como segue:
Benxamín mulleres:
1ª Sandra Souto Otero Seguir leyendo →

Esta fin de semana preséntase moi intensa para o Vila de Cangas.
Por unha banda, os máis pequenos terán o campionato provincial escolar de campo a través no Parque Avisoureira, sito na parroquia de Guláns, en Ponteareas. As probas empezarán a partires das 11.00 horas, estando sinalada a última proba para as 13:10 horas. O Vila de Cangas participará con un total de trece equipos repartidos entre as categorías benxamín, alevín, infantil e cadete. Sairá un autobús da estación de autobuses de Cangas ás 9.:00
Por outra banda, os maiores terán que desprazarse ata Carballo ( A Coruña) para disputar o campionato galego de campo a través xunior e promesa absoluto individual e por equipos.
Por último, catro dos nosos atletas ( André Castelo, Héctor Fernández, Juanma Novo e Mónica Cabirta), terán que ir ata Pontevedra o sábado e máis o domingo para demostrar o seu estado de forma no Criterium galego de probas combinadas cadete, xuvenil, xunior, promesa e absoluto.

A Coruña, 24 de Xaneiro de 2010

Como non podía ser doutra maneira, o campionato celebrouse na Coruña. A competicións tivo lugar en xornadas de mañá e tarde. Para poder competir había que ter unhas marcas mínimas, sendo moitos os atletas rexeitados por non acadalas. Pola mañá, os atrasos chegaron a superar os 40 minutos.
Este día foi especialmente proveitoso para os nosos lanzadores de peso cadetes, pois tanto Pablo Castro como Raquel Villa conseguiron marca para o campionato de España, que xa será agora en febreiro.

Para os nosos atletas, esta foi a primeira competición na que se puxo en practica a nova normativa para as saídas das carreiras. Si ben antes, á primeira saída nula non se expulsaba a ninguén, agora si.
Ademais do encontro para cadetes e xuveniles, tamén se celebrou o campionato galego de 1.500 e 300 m.l. para a categoría promesa e xunior, que quedara pendente do domingo anterior.
Resultados:
Cadetes Homes:
Faustino Maquieira Outeda: medalla de bronce en 300 m.l. Seguir leyendo →