Getafe, 12 decembro de 2021
Archivo del Autor: Oscar
XXVI XORNADA DE ATLETISMO BASE
Cangas, 21 de novembro de 2021
Domingo de outono, que nalguns intres da maña se tornou en primaveiral. Voltaba o atletismo as pistas de Verin coa XXVI XORNADA DE ATLETISMO BASE. Era preciso que as categorías menores tiveran contacto, máis ala dos adestramentos, coa pista. As gradas tamén tiñan morriña de afección. Con este coctel de nostalxia desenvolveuse unha xornada especial, con moitas caras novas e sobre todo con gañas de amosar a sua sana competividade.
Na categoria MINIBENXAMIN feminina tiñan cabida mulleres nacidas no 2014-2015-2016 e anteriores. As probas que disputaron foron salto de lonxitude, 50 m.l., lanzamento de pelota e 300 m.l. Despois da suma das tres mellores probas foi Campioa Deva Pallas, 2ª Sofía Corrales, 3ª Lucia Cancelas, 4ª Mar Fazanes e 5ª Emma Salgado.
Na categoria MINIBENXAMIN masculina concentrouse a maior cantidade de participantes, que pese a sua curta idade deron exemplo de comportamento dentro e fora da pista. A clasificación estivo liderada por Adrián Calvar, 2º Leo Rosendo, 3º Alex Carballo, 4º Yoel Rodríguez e 5º Luca Cao.
En BENXAMIN feminina resultou gañadora Lena Curras, 2ª Emma Collazo, 3ª Sabela Miranda, 4ª Alba Alvárez e 5ª Camila Enríquez. En homes proclamouse campión Samuel Corrales, 2º Angel Refojos, 3º Daniel Cordeiro, 4º Anxo Currás e 5º Brais Garcia.
A categoria ALEVIN estivo composta por atletas nacidos nos anos 2010/11, foron os veterans da competición. No global das probas femininas rematou 1ª Antia Soto, 2ª Mara Rua, 3ª Ana Oliveira, 4ª Noah Pinto e 5ª Elsa Budiño. o campión masculino foi Miguel Fernández, 2º Saul Santos, 3º Breo Fernández, 4º Iker Rial e 5º Gabriel Fazanes.
CAMPIONATO GALEGO DE MARCHA EN PISTA
Pontevedra, 21 de novembro de 2021
Moi boa maña de domingo se atoparon @s marchadores para a disputa do CAMPIONATO GALEGO DE MARCHA EN PISTA. Polas pistas do CGTD de Pontevedra foron marchando , a primeira hora, @s máis pequen@s, a categoria SUB 10, na que Alan Malvido rematou 9º na carreira de 1000 m. Seguidamente tivemos ampla representación nas probas SUB 14, sobre un percorrido de 2000m. Diego Garcia foi 5º na carreira masculina. Na proba feminina Sabela Castelo impuso o seu trepidante ritmo e rematou 1ª, cun tempo de 9.:33.48 que supon un novo RECORD GALEGO e pasa a liderar o ranking nacional. As suas compañeiras Antia Baqueiro e Estela Raña remataron 7ª e 11ª respectivamente.
Na categoria SUB 16 as irmans Iris e Nerea Malvido participaron nos 3000 m. acadando os postos 5º e 8º.
MILLA SOLIDARIA ANEDIA
Pontevedra, 13 de novembro de 2021
Por fín, se puido acudir coma público nas probas disputadas nas pistas de atletismo. O sábado 13 de novembro tiñamos dous frentes abertos, as Series Municipais en Balaidos e a Milla Solidaria Anedia. Nesta última proba desplazouse un grupo destacado de mediofondistas das categorias SUB 10, SUB 12 ,SUB 14 e SUB 16. Tamén participou na categoria absoluta Daniel Calvar correndo un 500 m.l. en 1:10 rematando no 3º posto.
A categoria SUB 10 brilou con luz propia e encheu o podio de amarelo. Nas mulleres Lena Curras foi 1ª, Emma Collazo 2ª e Alba Alvárez rematou 11ª. Coas marcas que as levaron ao podio pasan a liderar o ranking galego de 500 m.l. Tamen fixo a mellor marca da tempada nesa distancia Angel Refojos, quen estivo acompañado no podio por Samuel Corrales, 2º. Brais Garcia foi 8º e Xabier Ferral 9º.
Os homes foron os que tiveron presenza na carreira de 500 m.l. da categoría SUB 12, onde Miguel Fernández foi 3º, Marcos Rial 5º e Gabriel Fazanes 7º. Na categoría SUB 14 a distancia aumentaba ata os 1000 m.l. As mulleres estiveron lideradas por Sabela Castelo 1ª, Leire Fernández 7ª, Estela Raña 8ª e Ana Cordeiro 9ª. Os homes acapararon o podio coa victoria de Hugo Domínguez, seguido por Hugo Collazo e Diego Garcia 7º.
Pechouse a participación amarela cun 2º posto de Nerea Malvido e un 3º de Raul Rial nos 1000 m.l. da categoria SUB 16. Xa pode estar contento Calvar.
CAMPIONATO GALEGO CROSS SUB 16
Pontevedra, 7 de novembro 2021
A contorna da Illa das Esculturas en Pontevedra acolleu o CAMPIONATO GALEGO DE CROSS. Segundo a categoría terían diferentes percorridos, neste caso nos tivemos presenza na categoria cadete. Foi unha magoa que non se disputará o MEMORIAL ALEJANDRO LORENZO, onde tiñamos preparada a nosa armada amarela.
Raul Rial tivo o seu particular reencontro co campo a través, nunha proba onde estaba o mellor do panorama galego. Recorreu os tres kilómetros do circuito en 10:07, acadando o posto 41º.
Nerea Malvido acadou o posto 31º na proba feminina, sobre un percorrido de 2,5 kms que rematou en 10:02. O campo a través chegou para quedarse, polo menos un par de meses.
CAMPIONATO DE ESPAÑA CLUBES SUB 16
Camargo, 23 de outubro de 2021
As vixentes Campioas Galegas disputaron en Camargo (Cantabria) a final B1 do CAMPIONATO DE ESPAÑA SUB 16 DE CLUBES. A cita contaba cun total de sete equipos, ademáis do anfitrión, Camargo Ria del Carmen, os galegos Atletica Silva e Agrupación Viguesa de Atletismo, o búrgales Image FDR, o navarro Grupompleo Pamplona At. e o vasco Bidezabal Durango At. Os horarios das probas, previstos para o sábado 23 de outubro, nos facian viaxar na tarde do venres 22 hacia Cantabria. Ao chegar, coa noite xa encima, pouco tempo para cear e tratar de dar un paseo, acortado pola choiva. Na reunión técnica desa noite trataronse os cambios en certas probas para sortear as lesions, e de paso, fortalecer o equipo.
Chegado o sábado 23 de outubro, despois dun sustancioso almorzo, o equipo máis adestradores foron paseando dende o Hotel ata as Pistas da Maruca. Un explendido día solleiro nos recibiu nas instalacións do Club cantabro. A actividade, unha vez nas pistas, foi «in crescendo» ata estar metid@s de cheo na competición.
Marta Rua daba comezo a participación amarela no lanzamento de martelo, aportou un 5º posto cun mellor lanzamento de 20,84. No salto de pértega estaba Ariadna Becerra que rematou 4º con 1,80 m. Antia Giráldez saltou 1,15 m. no concurso de altura e obtivo o 7º posto. Alternaban os concursos coas carreiras, neste caso salientar o 5º posto acadado por Naia Casas, nos 300 m.l. e Noa Piñeiro, nos 300 m.v. Marta Camaño foi 3ª na proba raiña da velocidade, os 100 m.l.
No foso dos saltos asistimos a mellora de Carmen Fraga na lonxitude, cunha marca de 4,63 m. que lle suspuso o 2º posto. Na proba de triple salto, Lucia Gil, multiplicou a sua marca ata 9,97 m. acadando o 3º posto. Na carreira de 600 m.l. Uxia Sánchez entrou 2ª na meta. As carreiras de fondo aportaron sendos 4º postos, protagonizados por Cristina Taboada, nos 1000 m.l. e Nerea Malvido, nos 3000 m.l. Nos 1500 obstáculos Sara Nerga finalizou 5ª.
Os concursos de lanzamentos consolidaron a posición do equipo, sendo Gema Dacosta 1ª en disco, Maialen Fernández 1ª en xavelina e Claudia Carcer 2ª en peso. A marcha atlética estivo representada por Iris Malvido, quen obtivo o 3º posto na proba. Boa parte da competición o equipo asentouse na cuarta plaza, coa esperanza de mellorar algún lugar nos achegamos as probas dos relevos. Coma un raio foi o relevo de 4X100 (MARTA C.-LUCIA G. -GEMA D.- CARMEN F.) que acadou o 2º lugar. A derradeira proba foi o relevo 4X300 (UXIA S- MAIALEN F.- MARTA R.- AGATA R.), acadando o 6º lugar, tras a caída do testigo. Finalmente un merecido e loitado cuarto posto no que hai que destacar esa enorme labor de equipo.
CAMPIONATO DE ESPAÑA DE SELECCIONS AUTONOMICAS
Cuenca, 9 outubro de 2021.
Gema Dacosta participou co combinado galego no CAMPIONATO DE ESPAÑA DE SELECCIONS AUTONOMICAS. Realizou un fantastico concurso de lanzamento de peso, acadando o 2º posto, lanzando a bola ata os 12,28 m. e sumando 16 puntos para o equipo. Finalmente a selección galega feminina acadou un magnifico 5º posto entre todos os equipos SUB 16 de España.
GEMA DACOSTA VIAXA COA SELECCION
A atleta Gema Dacosta viaxará coa selección galega ata Cuenca para participar no Campionato de España do CSD de Seleccións Autonómicas. No concurso de lanzamento de peso estaremos atentos a sua aportación ao equipo, que de seguro será moi positiva. Moita sorte para ela, e por suposto para o combinado galego.
ESCOLA DE VERAN
Tras dous intensos meses de veran, xullo e agosto, xa puidemos graduar aos asistentes a Escola de Verán. Nesta actividade primou o sentido lúdico pero sen perder de vista os valores básicos no atletismo, tales coma, compañerismo, superación e disciplina. Os monitores Dani Calvar e Ariadna Gil agradecen a confianza depositada neles para achegar o atletismo as novas xeracions. Desde o Club estamos enormemente satisfeitos coa labor realizada e recalcar o lema de ENERXIA DE FUTURO parécenos apropiado, máis que nunca, xa que ésta é a verdadeira enerxia que nos move. Vemonos nas Pistas¡¡¡
Debe estar conectado para enviar un comentario.