"Enerxia de Futuro"
A localidade coruñesa de Sada vai albergar o CAMPIONATO DE GALICIA DE MILLA EN RUTA. Sobre as 10:30 horas do domingo 10 de abril esta prevista a saída do Campionato de Galicia Milla veterán masculino M-45 e superior. Na citada proba contaremos coa presenza de Juan Iglesias Otero, quen debutará coa camisola do Vila. Estaremos atentos o seu paso polo Campionato e sorte na carreira.
Xa están abertas as inscricións para o XX CROSS ESCOLAR CEIP CASTRILLON. A Asociación de Pais/Nais “FORNOBEDO” e o Claustro de Profesores, en colaboración có Club de Atletismo Vila de Cangas e Club Atletismo Morrazo, organizan de novo este ano unha edición máis do Cross. A data será o 24 de Abril do 2016 a partir das 10’30 horas. Nas carreiras concurriran as seguintes categorías:
PITUFOS……………………..……2012/2011/2010
PREBENXAMIN………………….2008-2009
BENXAMINS……………………..2006-2007
ALEVINS…………………..……….2005-2004
INFANTÍS…………………………2003-2002
CADETES…………………………2001-2000
POPULAR…………………………1999 e anteriores
Haberá carreira para pais e nais . O remate da entrega de premios haberá un sorteo entre todos os participantes. O prazo límite de entrega de inscricións será o 18 de Abril, no correo fornobedo@gmail.com Cada centro participante deberán traer cubertos os seus dorsais có número asignado, o nome do alumn@, data de nacemento e categoría na que participa. Inscribírase tamén o mesmo día do cross.
A xornada prevista para este vindeiro sábado 9 de abril nas pistas de Balaidos queda ANULADA. Esta previsto que se celebre o domingo 24 de abril no mesmo lugar. As categorías implicadas eran Benxamín e Alevín. As causas alegadas para o cambio son a conveniencia da data para varios Centros Escolares.
O Centro Galego de Tecnificación Deportiva de Pontevedra acollera durante o vindeiro sábado 9 de abril a CONCENTRACIÓN SALTOS. A mesma dará cabida o sector de saltos horizontais e verticais.
Por parte do Vila de Cangas foron convocados os seguintes atletas: Ariadna Gil e Irene Menéndez en lonxitude cadete. Para o triple salto xuvenil a Saray Amoedo e Daniel Calvar. Na pértega xuvenil a Daniel Armada e David Lorenzo. Por último no salto de altura xuvenil a Alba Pazos.
Non nos podemos queixar da representación. Esperemos logren concentrarse e saiban asimilar as ensinanzas. Este vai ser o PROGRAMA:
● 10:00 Incorporación, chegada de atletas e adestradores.
● 10:15 Presentación.
● 10:30 Inicio 1ª Xornada de adestramento.
● 12:30 Final de 1ª Xornada de adestramento.
● 13:30 Comida.
● 15:30 Charla Madó.
● 16:30 Inicio 2ª Xornada de adestramento.
● 18:30 Final de 2ª Xornada de adestramento.
● 18:45 Conclusións e despedida.
A Veiga, 3 de abril de 2016
A maña en Trevinca non presaxiaba un campionato doado. O percorrido visto no perfil xa facía quentar o corpo. De todas formas tanto corredores como integrantes da andaina ian ben abrigados. A paisaxe foi admirada e tamén palpada. Os rios baixaban con forza e as cordas habilitadas pola organización non estaban de máis, isto non era triathlon, non se precisaba nadar. Houbo tramos da proba acompañados por neve ademáis de alguns camiños onde a vexetación autoctona galega, entendase toxos, foron rozados polos corredores. Como crítica constructiva o evento tal vez se poida engadir unha sinalización máis abundante.
No tocante a Fran Rodal, rematou notablemente o Campionato Galego de Trail. De posto 13º na xeral e 2º na súa categoría, a senior. Parece que se adapta ben a esta disciplina, sube moi ben e ten ampla experiencia como corredor. A presión mediatica d@s seus pupil@s fixo o resto, o luns tendra que adestrar o equipo sen apenas maniotas.
Chegamos a II Xornada para as categorías Benxamín e Alevín. A novidade máis salientable da xornada XOGADE era a inclusión dos relevos e a xavelina no programa de probas. Achegamos un enlace cos resultados. Noraboa a tod@s.
Este domingo 3 de abril as pistas de Balaidos van acoller a 3ª xornada do I CIRCUITO CONCELLO DE VIGO DE ATLETISMO EN PISTA SERIES MUNICIPAIS. As probas estan destinadas as categorías de Cadete a Senior coa inclusión tamen da pertega infantil.
A localidade de Veiga-Trevinca servira de emplazamento para o CAMPIONATO DE GALICIA JUNIOR, PROMESA, ABSOLUTO E VETERÁN DE TRAIL. O domingo 03 de abril será unha boa oportunidade para disfrutar da montaña ourensá correndo nunha modalidade que se encontra nun punto algido. As probas serán Trail Corto-Campionato de Galicia Junior (masculino e feminino) con un percorrido de 15.3km aprox. e Trail Longo- Campionato de Galicia de Trail con un percorrido de 21.3km aprox. Neste último vai participar Francisco Rodal Abal. Agardamos poida disfrutar da carreira e coidado cos nocellos.
As pistas de atletismo de Balaidos volven albergar, o sábado 2 de abril, a II XORNADA EN PISTA BENXAMIN-ALEVIN do programa XOGADE. A cita de Vigo inclue a novidade da proba dos relevos. En benxamín será 4X50 m. e alevín 4X60 m. NON habera autobus, polo cal se aconsella viaxar con tempo. Pregase os compoñentes dos equipos de relevos informen se non puideran acudir.
Vigo 27 de marzo de 2016
Magnifica xornada de maña nas pistas de atletismo de Balaidos. Gran diversidade de modalidades atléticas, con mistura de categorías tanto en carreiras coma en concursos. Co obxetivo de mellorar ou acadar marca notouse unha gran participación nas quendas de 100 m.l.
Acadaban un vistoso agasallo os primeiros clasificados de cada proba. Era dificíl coa xuventude dos amarel@s poder optar aos premios. Ainda así nos 300 m.v. Ariadna Gil foi primeira, o mesmo que Saray Amoedo no triple salto.
Debe estar conectado para enviar un comentario.