Elche 8 de xuño de 2014
Segundo ano consecutivo que o equipo femenino logra a disputa da final do Campionato de España de Clubes de 2ª división. Parece que a experiencia do ano pasado foi asimilada polas atletas, aportando esta tempada un plus de confianza que se viu reflexado no estadillo final de equipos clasificados. O vila de Cangas partía en segunda posición, dos oito que participarían finalmente. Os deberes estaban feitos pero sempre existe algunha dificultade engadida, neste caso foron xurdindo en tanto en canto se foron coñecendo as sedes da final. Elche foi a cidade designada para a organización da final, porque máis lexos non había. Os dous primeiros clubes clasificados eran de Xixón e o Vila, os demaís pertencían o chamado arco mediterraneo, e dicir que Elche tiña seis clubes a favor.
As matemáticas non erran, a balanza decantouse pola cidade alicantina. O viaxe xa se planificou con saida o sábado, competición o domingo e volta despois de rematar, creo que foron 13 horas de autobús de ida e outras tantas de volta.
Chegado o día da final alí nos atopamos cun equipo xovén, que pouco distaba do presentado o ano anterior, salvo en confianza. O Obxetivo do ascenso non se consegui por medio punto, finalmente foron terceiras. Que os organizadores da final foran segundos foi froito do esforzo pero non da casualidade, xa se sabe que cando un xoga en casa…pasan cousas do cuarto milenio. Facendo extensiva esta reflexión o noso equipo, creo que non nos vai facer falla organizar a final en Cangas para ascender, sólo botar una ollada os resultados e para estar moi, moi optimistas. O mellor reflexo do que alí aconteceu foi a hora da entrega dos premios, as nosas atletas non subiron o podio, non eran terceiras moralmente eran segundas polo que decidiron facelo así, a súa maneira.
Deixando de lado a «competición indirecta», a xornada do domingo comenzou con resultados que facían que o equipo mantivese a esperanza intacta do ascenso ata a derradeira proba. En resumo fai un ano fomos a probar na final e este ano xa nos convertimos nun rival a ter en conta para o ascenso. Parabens e a terceira vai a vencida.
RESULTADOS:
Mar Chillón 1ª marcha
Noelia Graña 2ª 100 m.l.
Estela Crespo 5ª 200 m.l.
Aida Amoedo 4ª 400 m.l.
Noa Rouco 5ª 800 m.l
Marina Caballero 2ª 1500 m.l.
Alba Vidal 8ª 3000 m.l.
Ainara Rodríguez 6ª 3000 obst.
Paula Martínez 5ª 100 m.v.
Sara Villar 6ª 400 m.v.
Alexia Vidal 2ª altura
Martina Paramos 3ª pértega
Monica Cabirta 7ª lonxitude
Saray Amoedo 3ª triplo
Raquel Villa 2ª peso
Talia Garcia 5ª disco
Johana Villar 6ª martelo
Laura Meira 1ª xabalina
RELEVOS 4X 100 3ª
RELEVOS 4X400 8ª